أسماء محفوظ تكتب: رفقا بالشعب يا نخبة
24.06.2011
من سنييين قبل 25 يناير كان في ناس بتناضل ضد نظام مبارك منهم سمعنا عنهم ومنهم منعرفهمش ولا عمرنا سمعنا عنهم
وكان في احزاب منهم كتيير بنسميهم احزاب كارتونية ومنهم مكنش ليهم تواجد في الشارع الا في بداية تأسيسهم
وبعدين حصلو صحابهم
مؤتمرات وندوات وتنظير ملوش اول من اخر وكان المشهد مقسوم نصين ملهمش اي علاقة ببعض نظام مبارك مبرطع في اللبلد زي ما هو عايز مع نخبة من السياسين مشغولين في التنظير والخناق مع بعضهم احيانا والنفاق لبعضهم احيانا … اما النص التاني فكان الشعب اللي مكنش عنده وقت من حسرته على عيشته انه يقرا او يتكلم او حتى يسمع عن السياسة
حتى الاخوان المسلميين تواجدهم مكنش سياسي على قد ما كان اجتماعي وخيري وطبعا اقصد في الشارع مع الناس
يمكن الحراك السياسي في الشارع شد حيله حبتين من حركة كفاية وحركة شباب من اجل التغيير مع ظهور حركة استقلال القضاة والاخوان المسلمين وفي 2008 حركة 6 ابريل وبعدها بسنتين حركة العدالة والحرية
وكان العامل المساعد الاعلام البديل مع شراهة النظام في الفساد والتزوير والبطالة والفقر وملف التعذيب مع ازدياد الاسعار بشكل جنوني ومشاكل ملهاش اول من اخر وكل ده ازداد جداا مع 2010 بمقتل خالد سعيد وظهور صفحة كلنا خالد سعيد ومظاهر الاحتجاج السلمية الحديثة وتزوير الانتخابات بالبجاحة اللي ظهرها شبكات الفيس بوك والتويتر واليوتيوب مع تفجير كنيسة القديسين وخروج الاقباط بمظاهرات شديدة جدااا وخروج المسلمين معاهم لاثبات الوحدة الوطنية وكانت المظاهرات في الوقت ده باالاشتباكات اللي حصلت لاول مرة من سنين بالحجم ده وقتها بين الشرطة والشعب واجهاضها كان عامل اساسي في كتمان الغليان للشعب المصري مع دور طبعا منظمات حقوق الانسان اللي كانت بتظهر اعلاميا كل اللي بيحصل
مع ظهور ثورة تونس ومتابعة الشعب المصري متابعة دقيقة للشعب التونسي بخوفه وتحمسه لحد فرحته بهروب بن علي
مع ظهور مصريين بادرو بحرق نفسهم امام مجلس االشعب والشورى على خليفة بو عزيزي التونسي يمكن حد يحس بيهم وثورة مصر تقوم
مع دعوة تحالف الحركات الشبابية ليوم 25 يناير وتصديق الشعب عليهم وكان اول مرة نلاقي ناس عادية بتطبع وتوزع بيانات لليوم
والناس كلها كانت بتحلم بالثورة في اليوم ده معادا السياسين كلهم كانو بيقولو دي مش ثورة دي بداية حراك شعبي
وفوجئنا كلنا ان تحرك الشعب كان اقوى مننا كلنا ” والنون عايدة على كل العاملين بالعمل السياسي”
وكل السياسين انخرطو وسط الناس في محاولة لتنظيم الثورة بس كان بردو تنظيم الشعب لانفسهم كان اقوى مننا كلنا وكان اكثر ابتكارا حتى في الشعارات
وفؤجنا بالاعلام تحول من تمجيد النظام السابق الى تمجيد بعض شباب الثورة واظهارهم بمفجرين الثورة واختزال الثورة فيه
وكتيير مننا كنشطاء او سياسين صدقنا اننا اللي عملنا الثورة واننا اصحاب الفضل الاول على مصر ويمكن مننا من كتر خوفه على مصر والثورة كان بيحاول ينقذ ما يمكن انقاذه لكن تعامل المجلس العسكري مع بعض النشطاء من اصحاب النية الاولى او التانية خلانا
متصدرين المشهد بشكل مبالغ فيه قد يظن البعض انه خطأ وقد يظن البعض الاخر بانه كانت خطوة لابد منها
لكن المهم ان الناس حست انهم عملو ثورة ودفعو تمنها غالي اووي واكتشفو ان غيرهم بيمثلهم من غير اخذ رأيهم في اي حاجة
ومع ذلك سكتو وقالو دول مننا وعلينا
لكن شوية بشوية اكتشفو ان المجلس بيستخف بالكل من ناحية ومن ناحية تانية ان المتصدرين المشهد السياسي سواء من النخب الشبابية او من النخب السياسية الكبيرة بيتكلمو في وادي تاني خااااااااااااااالص عن اللي الناس عايزاه او كانت نزلت الشارع عشانه
كل المقدمة الطويلة العريضة دي عشان اقول ان النخبة معملتش ثورة الشعب هو اللي عمل الثورة
ممكن نقول ان في شباب وسياسين من النخبة تعبو شوية او كتيير في النضال ضد نظام مبارك لكن برغم التعب ده كان ليهم دور في الثورة لكن مش هما اللي صنعو الثورة ومفيش حد ليه فضل على حد
الشعب هو اللي ليه فضل على كل من اللي بيتكلم في السياسة
فلما نقول ان الشعب جاهل ومش فاهم واحنا اللي فاهمين واحنا اللي هنحدد ونقرر ونؤره يعمل اللي احنا عايزينه يبقى ايه الفرق بينا وبين مبارك؟؟؟
لما نقول الدستور اولا عشان الدمقراطية هتجيبلنا الحزب الوطني او الاخوان المسلميين عشان الشعب غير مؤهل للدمقراطية
يبقى زعلنا ليييييييييييه من عمر سليمان لما قال كده؟؟؟
ايه الفرق بينا وبين نظام مبارك؟ نفس سياسته بنفس اعلامه اللي كان بيطبقه احنا اللي بنطبقه دلوقتي
وبستغرب اوووي من مطلب منع الحزب الوطني من ممارسة السياسة لمدة 5 سنين؟!!!
ازاي نخااف ان الشعب ينتخب الحزب الوطني وهو الشعب اصلا اللي عمل ثورة عليه.؟؟؟؟؟ مش فاهمة
وبعدين لما نمنع رموز الحزب الوطني من السياسة هنقدر نمنع اعضائه ومخبرين امن الدولة اللي محدش يعرفهم؟؟
ولا ناخدها تلكيكة بقى ونعمل قايمة موحدة نفرض بيها شخصيات على الشعب عشان احنا شايفيين ان الشعب مش بيعرف
يختار؟؟؟؟
اصل احنا لازم يعني بما اننا مش قادرين ننزل الشارع فنفرض نفسنا على الشعب عشان فاهمين اكتر منه؟؟؟
اللي مجنني ان نفس اللي كان بيحصل من النخبة قبل الثورة هو هو اللي بيحصل دلوقتي شوية تنظير واختلاق خناقات ملهاش لازمة
ولو سمعنا بعض اصلا ممكن نوصل لحلول ترضي الجميع بس ده لو احنا يهمنا مصلحة مصر اصلا لكن ده احنا حتى نسينا اصول
المهنة وقاعدين نشتم ونخون ونستعمل اساليب غير شريفة بعض عشان البقاء للاقوى .. مش كده بردو؟؟؟؟
طيب ندخل في المهم بقى
دلوقتي بما اننا معملناش ثورة والشعب اللي عملها احتجاجا على كل اللي تم ذكره فاحنا معندناش رؤية
اتكلمنا عن ديمقراطية واكتشفنا اننا معندناش تعريف ليها ولو كان لينا تعريف كان زماننا رضينا بال77%
عمالين نعمل تحالفات عشان نبقى ضد الاخوان او الاسلاميين وعشان مين ياخد اكبر قدر ممكن من اللي الجاي
لكن ليه مفكرناش نعمل تحالفات لتكوين رؤية للفترة الانتقالية؟؟؟
ليه مفكرناش نعمل تحالفات وننزل للناس نسمع منهم ونتعلم منهم بدل ما بنتعالى عليهم؟؟
ليه مفكرناش نعمل تحالفات نشوف فيها مصيبة الاعلام اللي بيضيعنا كلنا ونشوف ازاي نخليه اعلام مهني قادر على قيادة المرحلة الانتقالية؟؟؟
ليه مفكرناش نعمل تحالفات مع جمعيات ومنظمات المجتمع المدني عشان نقدر نخدم الشعب باحسن وسيلة ممكنة؟؟
ليه مفكرناش نعمل تحالفات نفكر بيها ازاي نبني اقتصاد مصري قوي؟؟؟
ليه مفكرناش نعمل دورات تدريبية لكل الاحزاب لكيفية بناء برامج حزبية وتدريب كوادرها على االشغل الحقيقي في الشارع؟؟
ليه مفكرناش بدل ما بنتخانق على الدستور اولا ولا الانتخابات اولا ننزل للناس نسمع منهم عايزين ايه في الدستور وعايزين مين يكتبه؟
ليه مفكرناش نحلل مين ال77% بدل ما بنحطهم كلهم في خانة الجهلة والمنساقين ورا التيارات الدينية زي ما بتقولو؟؟
ولا اللي ضدنا يبقى جاهل ومنساق ورا القلة المندسة؟؟
ليه مفكرناش في التجارة السياسية اللي شغالة عمال على بطال في مصر دلوقتي وبيتصرف عليها ملايين وفي ناس بتموت من الجوع؟؟
ليه مبنفكرش نعمل تحالفات ضد المحاكمات العسكرية؟
ليه مبنفكرش نعمل تحالفات ضد اطالة الحكم العسكري في مصر؟
ليه مبنفكرش نعمل تحالفات لعلاج مصابيين الثورة وتكفيل افضل الرعايا ليهم؟
ليه مبنفكرش ازاي نحقق اهداف الثورة اللي الشعب نزل عشانها ” عيش .. حرية .. كرامة … إنسانية” ؟؟؟؟
معقولة احنا ورثنا نظام مبارك بكل سلبياته؟؟؟ معقولة لعنة مبارك بقت جوة كل واحد فينا؟؟؟
انا بسال وبشكك وبتهم ومش مستثنية نفسي من كل الاسئلة والشكوك دي
مفيش حد احسن من حد ومفيناش بطل طول محنا بنلعب بمشاعر الناس بالشكل ده وسايبيين الفساد بيزيد في البلد مش بيقل
وسايبيين مجلس بيضحك علينا وعنده حق ما احنا مشغولين بالتقطيع في بعض
رفقا بالشعب يا نخبة …. رفقا بمصر يانخبة ….. فالصراحة مع النفس أولا قبل الدستور
http://www.dostor.org/opinion/11/june/24/46080
*************************************************************
:(:(Mostafa Haussanen · الأكثر تعليقا · Faculty of Technicalبنت محترمة بجد ومش جبانة قبل الثورة اتطلمت ومخفتش على نفسها رغم انها بنت فى عز ما كنا كلنا بناضل من خلف الكى بورد هى نزلت فى الشارع وحاليا بتنتقد الرب الجديد المجلس العسكرى والنائم العام وبرضو احنا ورا الكى بورد وبنشتمها او ماسك مايك ومبتكلمش زى الاخ اللى تحت30 · · رد · الجمعت، الساعة 09:10 صباحاً
Mostafa Fahmy · الأكثر تعليقا · 31 سنةأنا بختلف مع اسماء فى نقطة مهمة فى مقالها ….بس اسماء بنت بألف راجل فى كل الأحوال ….8 · · رد · الجمعت، الساعة 09:22 صباحاً
محمد محرم · الأكثر تعليقا · Ain Shams Universityيسلم لسانك .. ومين قال ان احنا من ورا الكيبورد؟ اي عمل احنا مستعدين ليه .. و8 يونيو مش بعيد 6 · · رد · الجمعت، الساعة 10:21 صباحاً
Wafaa Pharma · كلية صيدلة جامعة بنى سويفده اللى احنا بجد بنظم له من دلوقتى وده ثورتنا احنا مش ثورة من يطلق عليهم النخبه وهنرججع حقنا منهم ومن كل اللى بجد بيظلموا البلد بغبائهم او لؤمهم8 · · رد · الجمعت، الساعة 09:26 صباحاً
Amr Elnoshokaty · 37 سنةبطلى هبل7 · · رد · الجمعت، الساعة 09:04 صباحاً
Meta ElMasryوانت مكان مين؟؟؟؟6 · · رد · الجمعت، الساعة 09:41 صباحاً
Ahmed Abd Elrasol Ahmed · هندسة 15 مايوهى دى الديموقراطية؟؟؟؟؟؟؟؟1 · · رد · الجمعت، الساعة 10:58 صباحاً
Magdy Khalafعجبت لمن يشكون العبث وهم فاعليه عجبت لمن يناشدون البناء وهم يهدمون …عجبت لمن يريدون النظام وهم يثيرون الفوضى عجبت لمن يلعنون الظلام وهم يطفؤن المصابيح …عجبت وعجبت وعجبت الكل اصبح متحدثا رسميا بل خبير سياسيا أن لم يكن اقتصاديا .. ارحمونا يرحمكم الله البلد جميعها اصبحت خبراء فى كل المجالات الكل يتحدث بما يعرف ولا يعرف الكل فى تشتيت وتضليل فرفقا بمصر يامصريين……5 · · رد · الجمعت، الساعة 10:30 صباحاً
Kimo Masry · Faculty of Engineeringايه المشكلة لما يبقى عندنا 85 مليون محلل سياسى ؟؟ زى ما كان عندنا 30 مليون امين شرطة فى اللجان الشعبية … لازم نعيش التجربة و نستمتع بيها بكل ما فيها…اهم حاجة منخونش بعض و يكون عندنا روح ديمقراطية فعلااااااا2 · · رد · الجمعت، الساعة 09:33 مساءً
Ahmed Metwallyاسماء انتى عايزة ايه بالظبط انتى بتشككى فى المجلس العسكرى و عايزة تقلبى الشعب عليه يبقى انتى مش بتفهمى و لا بتسمعى و بتحملى اجندة خارجية فعلا شوفى اللى بيحصل فى سوريا و اليمن و ليبيا يمكن تفهمى يعنى ايه المجلس العسكرى المصرى و لا انتى عايزة دولة بلا رئيس و لا حكومة و مجلس شعب و لا شرطة يعنى عايزة الفوضى تستمر و كل يوم ناس تموت من البلطجة و الفقر و الجوع رفقا بالشعب منك و من أمثالك كل اللى همهم الأضواء كفاية و حسبى الله و نعمة الوكيل فى كل ميحبش البلد أكثر من نفسه .4 · · رد · منذ 20 ساعة
Tamer Mostafa · Kuwait Cityاستعد يا احمد لسماع وصلة من الردح المنفرد من قبل اسماء محفوظ باسلوبها المشهور1 · · رد · منذ 20 ساعة
معتز رمضان · السعيديه الثانويهيا أخت( أسماء ) بالرغم من موافقتي لكل ما كتبتيه،إلا أنني أتساءل أين اللغة العربية في المقال؟ المقال الصحفي يا أختاه يكتب بالعربية الفصيحة البسيطة التي يفهمها الناس،لكن بهذه الطريقة يمكن أن ترسلي رسائل عبر التليفون المحمول. عذرا على النقد4 · · رد · الجمعت، الساعة 02:06 مساءً
العوضى عبدالخالق · الأكثر تعليقا · كلية الحقوق جامعة المنصورةنقد صحيح جدا وهو اول مالفت انتباهىاعتبر لكلام مجرد كلام مرسل وليس مقالا1 · · رد · الجمعت، الساعة 03:54 مساءً
محمد أحمد · مهندس حاسبات في المصرية للاتصالاتده من مدونة الآراء الشخصية بتاعتها · رد · منذ 21 ساعة
Mido Ahmedالبت دي واللي زيها من الحركات اللي ذكرتهم كلهم بمليون وش وبرده احنا مش بينضحك علينا شويه تتكلموا علي كيفكم وشوية تتكلموا باسمنا وشويه تتصعبوا علينا عشان تكسبوا تعاطفنا لكن خلاص يا بقر الشعب المصري فاق ومعدشي ينخدع لا بيكم ولا بغيركم واللي عايزه هيكون بالذوق بالعافيه هيكون4 · · رد · الجمعت، الساعة 11:54 صباحاً
عمروو سيد · كاشير في فى شرم الشيخدى عافية بقى ولا صحة زيدة عند الشعب اللى ياكل الزلط · رد · الجمعت، الساعة 04:27 مساءً
Abobakr Yahia · Faculty of commerceالله يخرب بيت الصحافة والتليفزيون اللي خلوا من الأشكال دي ابطال · رد · منذ 3 ساعات
Nadora Elenadora · الأكثر تعليقامعلشى العنوان مفروض يكون …. حلو بقى عن الشعب يا نخبة4 · · رد · الجمعت، الساعة 10:47 صباحاً
Mostafa Habeb · الأكثر تعليقا · 60 سنةذكرتنى الإبنة الكاتبة بصرخاتى قبل الثورة بمدة طويلة وبعدها عند عودة البرادعى حينما قالوا أن الدستور يمنع ترشيحه وقلت حين ذاك ( ياأهل الدستور إجمعونا واتركونا نتكلم فنحن الدستور ) والصامتون يبحثون عن أطواق النجاة مما نحن عليه قادمون بينما النخبة فى بحر الأنا غارقون وماأدراكم مالأنا ؟ إنها أصل البلاء فى المجتمع المغبون3 · · رد · الجمعت، الساعة 09:55 صباحاً
محمد محرم · الأكثر تعليقا · Ain Shams Universityلا تحزن .. يجب ان يكون شبابنا طويل النفس .. هذه ثورة ويجب ان تستمر و ان نستمر في الدفع حتى وإن كنا أقلية على الساحة .. هذا الشعب يستحق .. واردد صرختك .. الشعب أولا!2 · · رد · الجمعت، الساعة 10:43 صباحاً
فدائى لمصرجزرة وقطمها جحش3 · · رد · الجمعت، الساعة 09:39 صباحاً
Fady Ahmed · Tallahassee, Floridaهايل يا اسماء3 · · رد · الجمعت، الساعة 09:37 صباحاً
Ahmed Hassan Ahmed · Ain Shams Universityرغم اختلافى الشديد مع حركة 6 ابريل من الناحية السياسية طبعا لكن اقدر اقول وبمنتهى الصراحة ان الاستاذه اسماء محفوظ بجد بنت مصرية 100% وخالص تمنياتى لها بالتوفيق واعتذر لها عن اى ىظن قد اكون فكرت فيه بخصوصها2 · · رد · منذ 16 ساعة
Ahmèd Elgöhăřƴ · كلية التجارة جامعة المنصورةانا بدأت أحبك يا أسمـــــــــــــــــــــــــــــــــــــــــــــــــــــــاء ……… بس زي أختي أصلي خاطب معلش بقي .. هههههههههه2 · · رد · أمس في الساعة 01:23 صباحاً
Ḿǿŋą Ḿǿ · Delta Academy of Sciencesوده يطلع ايه ده كمان :(:( · رد · أمس في الساعة 03:53 صباحاً
Ahmèd Elgöhăřƴ · كلية التجارة جامعة المنصورةاوعي تفهميني صح بقولك اهو2 · · رد · أمس في الساعة 03:55 صباحاً
Tito Nasr · يعمل في كفرالشيخصح اوى الكلام دا ولية كمان بدل التوعية السياسية للاحزاب اللى ان شخصيا واثق جدا انها عندها وعى كافى للعمل السياسى بعمل دورات توعية كاملة وشاملة وموسعة لكافة افراد وطوائف الشعب واهمهم الشباب من خلال الجامعات والاعلام والنت ……….
الشعب هو اللي ليه فضل على كل من اللي بيتكلم في السياسة دا فعلا الحقيقى2 · · رد · الجمعت، الساعة 09:57 صباحاً
عبد الله محمد · معهد المساحة باسيوطيا اسماء يا ريت تاخدى مقالك ده و تطلعى بيه على ابراهيم عيسى اللى هو رئيس تحرير الجريدة اللى بتكتبى فيها بل هو المنظر الاكبر للدستور اولا و شوفى هيقلك ايه او اقرى مقاله اول نعم حرة فى التاريخ و تسفيه الشعب المصرى اللى بين السطور و سلميلى على النخبة2 · · رد · الجمعت، الساعة 05:10 مساءً
Gamal Abdelhamidاللهم صلى على النبى عليكى يا اسماء وع دماغك العالية….انت فين من ايام قناة المحور ..اختفيتى ف اى ائتلاف 100/100 كل كلمة قولتيها… بس نفسنا نقلل شوية من الكلام ونزود شوية العمل الجاد وترجمة الاقوال الى افعال2 · · رد · الجمعت، الساعة 04:05 مساءً
كلام كبار · يعمل في اخصائى بصرياتربنا يبارك فيكى يا بنتى و الله العظيم البنت دى اتقل فكرا و ثقافة من كل النخبة اللى وجعين دماغنا بيهم …….يسلم قلمك و دماغك …..صحيح بت ب100 راجل2 · · رد · الجمعت، الساعة 10:27 صباحاً
Khairy Sabri · يعمل في المملكة العربية السعوديةاول مرة من بعدالثورة اقرا كلام منطقى ويجب ان تاخذكل النخب بكل الافكار اللى طرحتها الاخت اسماء2 · · رد · الجمعت، الساعة 02:30 مساءً
Mohamed Taherمعلش مع إحترامى ، اسماء ماقلتش حاجه ، ماضفتش جديد هى وكل من سموهم نشطاء بيحثوا عن دور ولما احترقوا اعلاميا راجعين لنقطة الصفر، وبعدين مع إحترامى لازم يقود الشارع تجمع فكرى او حزبى وبعدين نحكم عليه القريب الان هو الأخوان وايه المشكله والنقطه دى هى بتأيدها لانها الواقع فهى برده ماقلتش حاجه مع إحترامى الشديد المقال لايحوى رؤيه محدده ولكن اوجاع وإعاده قراءه بطريقه الشارع البسيطهالبحترمها ز1 · · رد · منذ 23 ساعة
Mohamed Hashemياريت نطالب بحاجة واحدة و هى محاكمة رؤس النظام و على الهواء مباشرة صدقونى مكاسبها اكثر مما تتوقعون1 · · رد · أمس في الساعة 12:59 صباحاً
Mohamed Farouk Haikal · كلية فنون جميلة قسم ديكور98أه نفس المسرحيه اللي عملوها لصدام في العراق يعني بلا خيابه وكلام فارغ وهل تعتقد أن هذا مع الديمقراطيه وحقوق الإنسان يا عم يا بتاع المكاسب مبارك لن يحاكم إلا إذا ثبتت إدانته و كفايه شغل الأمريكان اللي فلقتوا دماغنا بيه خطة كونداليزا ايس وقفت خلاص ولن تكتمل ووقف تساقط أوراق الدومينوز إنسى وعيش في مصر غحنا في مصر مش في العراق · رد · منذ 22 ساعة
القيصر شيكوخربتيها وجايه دلوقتى تفكى نفسك من المصايب اللى حصلت فى بلدنا بسبب اندفاع مجموعة من الصبيان الله لا يسامحكوا1 · · رد · الجمعت، الساعة 06:24 مساءً
Islam Bayoumi · Not yet في Process Engineerعمالين يقولوا شعب عمل الثورة و نخبة تسرقها و انت تقول هي بتفك نفسها ههههههههههههيا غلبان انت ………… يا ريتني كنت مكانها2 · · رد · أمس في الساعة 12:19 صباحاً
Salma Emy · الثانوية بناتفكك من الثورة ايام فاتت الله لا يرجعها خلينا ف الجى · رد · منذ 18 ساعة
Hera Delusion · الأكثر تعليقا · Cairo, Egyptبس يا فلول منك ليها3 · · رد · منذ 16 ساعة
Mostafa Fahmy · الأكثر تعليقا · 31 سنةيا اسماء اللى عمل الثورة أقلية من الشعب مش كل الشعب ولا حتى أغلبية…..الكتلة الصامتة اكبر بكتييييييييييييير من الكتلة الصامدة…والكلتة الصامتة استخدمها مبارك ككارت فى ايده ضد الكتلة الصامدة باعلام كنتاكى….وبتستخدم دلوقتى…نفس الكارت ونفس الهدف اجهاد فاجهاض الثورة…..النقطة الأساسية اللى بنيتى عليها منطق مقالك خاطئة….وما بنى على خطأ فهو خطأ….عاوز أفكرك بكلمة للشيخ يوسف القرضاوى لما قال نفاق العامة اخطر من نفاق السلطان….وعاوز أفكرك بكل كتب محمود عوض…..متمردون لوجه الله يا أسماء….خارج القطيع….اللى لو كنا فضلنا فيه….كان زمان جمال مبارك هيحكمنا فى شهر تسعة اللى جاى ولمدة تلاتين سنة.34 · · رد · الجمعت، الساعة 09:21 صباحاً
Sarwat Alsioufy · الأكثر تعليقا · Faculty of lawاقسم بالله ماهيحصل ديمقراطيه دى كلمه لا يعرفها 85% من الشعب المصرى احنا شعب طبله وشيشه تعالى خدلك نفسين5 · · رد · الجمعت، الساعة 04:53 مساءً
Mohammed Abd Alazim · الأكثر تعليقا · Tanta Universityوالله بصراحه انتي محتاجه دكتور نفسي بجد فاكره نفسك ايه بقيتي فيلسوفه خلاص ومنظره سياسيه واجتماعيه وبعدين ما تقولي لنفسك الكلام ده فاكره لما طلعتي اتهمتي المجلس العسكري بالخيانه وانه بيقود الثوره المضاده ارحمينا بقي.20 · · رد · الجمعت، الساعة 09:37 صباحاً
Mostafa Fahmy · الأكثر تعليقا · 31 سنةاعتقد ان اللى بيغلط فى الناس هو اللى محتاج طبيب نفسانى …….لو عاوز عنوان واحد يبقى قولى26 · · رد · الجمعت، الساعة 09:45 صباحاً
Mohammed Abd Alazim · الأكثر تعليقا · Tanta Universityده اللي انت بتتعالج عنده ؟؟؟؟2 · · رد · الجمعت، الساعة 09:49 صباحاً
محمد محرم · الأكثر تعليقا · Ain Shams Universityالمشكلة ان البعض عايز الناس ابيض واسود .. يعني انت مستغرب من تغير موقفها ومش مستغرب من تغير موقف المجلس العسكري؟ هي اسماء اللي بدلت وقفها كده فجأة ولا المجلس و كل النخبة للي عمالة تخرب و تخرب الثورة؟ لا والله اسماء مش غلط .. ولكن الغلط اللي قاعدين يغلطوا في الناس الصح صاحبة المواقف.12 · · رد · الجمعت، الساعة 10:03 صباحاًأعرض 9 أخرى
Adel Fahmy · Cairoكلامها مضبوط عدا الهجوم على المجلس العسكرى الذى لا أراه مخطئا بل يسير بخطوات متزنة نحو الديمقراطية و له فضل فى حماية الثورة و نجاحها السريع.15 · · رد · الجمعت، الساعة 01:51 مساءً
Kimo Masry · Faculty of Engineeringفعلاااااااااا جداااااا · رد · الجمعت، الساعة 09:22 مساءً
Ahmed Dolar · الحقوق جامعة القاهرةلا أتفق معا حضرتك لأن المجلس العسكرى أثبت أنة ضحك على الشعب المصرى بتعبير (حامى الثورة) ولكن يوجد على أرض الواقع ما يثبت عكس ذلك تماما , شكرا .5 · · رد · منذ 21 ساعة
Meta ElMasryالمجلس خامى الثوره بس مش ثورتنا احنا خامى الثوره المضاده · رد · منذ 7 ساعاتأعرض 1 أخرى
Dr-Wesam Goda · Doctor في Mansoura University Hospitalsكلام عشرة علي عشرة..برافو أسماء..يا ريت اللي بالي بالك يتعلم منك.12 · · رد · الجمعت، الساعة 09:43 صباحاً
Azad Zizoالنخبه عايزين عيد الفطر قبل رمضان لان الاخوان والسلفيين هما الوحيدين المستفيدين من ان رمضان يجي الاول لانهم بيقولو انهم هما اللي جاهزين للصيام وباقي الاحززاب السياسيه لسه مش جاهزين ه19 · · رد · الجمعت، الساعة 02:17 مساءً
Black Eagle · الأكثر تعليقا · Al-Azhar University, Cairo, Egyptولو رمضان جه مع السعودية يبقى التمويل السعودي إشتغل بتاع السلفيين ولو جه بعدها أو قبلها يبقى التمويل الإيراني بتاع الإخوان
وهابي هونيكا ويجعله عامر3 · · رد · أمس في الساعة 01:39 صباحاً
Meta ElMasryالثوره ثورتنا مش ثورة النخبه واعتقد انهم اثبتوا فشلهم قبل كده.10 · · رد · الجمعت، الساعة 09:40 صباحاً
Dody Muhammd Eshta · Faculty of engineering mansoura universityكلامك صح والله.10 · · رد · الجمعت، الساعة 09:25 صباحاً
Amr Reda · الأكثر تعليقا · Toronto, Ontarioللأسف مقال فارغ من المضمون و المحتوى.. و هو مبنى على تفسيرات خاصة بالكاتبة لضمائر من يطالبون بالدستور اولا.. كما انها نصبت نفسها وصية و مفسرة لأرادة الشعب.. ووقعت فى عشرات التناقضات المريبة.. فهى تعلن انها ضد المجلس العسكرى و مع هذا فهى تدافع باستماته عن حلول المجلس العسكرى.. الإستفتاء كان باطلا من الألف الى الياء.. و اتحدى ان يثبت احدا من المتشدقين و المتفذلكين ان الشعب ذهب ليصوت لآنة يريد تحديدا و قطعا البرلمان قبل الدستور.. و أن الشعب يرفض ان يكون الدستور قبل البرلمان.. كما ان احدا من المتحزلقين لم يناقش لماذا يجب ان يكون البرلمان قبل الدستور.. ناقش الفكرة بدل ما تتمسح فى الإستفتاء.. هذا افلاس ما بعده افلاس.. و سوء نية و تجارة بالثورة و بعذابات الشهداء.. و ألأيام ستكشف الصالح من الطالح من المتواطئ.9 · · رد · الجمعت، الساعة 10:00 صباحاً
محمد محرم · الأكثر تعليقا · Ain Shams Universityالطريف أنك بالضبط تمارس ما تنتقده .. فأنت الشعب ولا صوت يعلو على صوتك .. والجميع على خطأ!7 · · رد · الجمعت، الساعة 10:15 صباحاً
Amr Reda · الأكثر تعليقا · Toronto, Ontarioربنا مطلع على الضمائر يا استاذ محمد .. انا بتكلم بالأدلة و المنطق و قدمت تحديات و عايز اشوف حد بيتحدى الأدلة اللى موجودة فى تعليقى · رد · الجمعت، الساعة 10:20 صباحاً
محمد محرم · الأكثر تعليقا · Ain Shams Universityاي أدلة يا ابني؟ التعديلات الدستورية كان من ضمن موادها ان يتم عمل انتخابات برلمانية ثم يتم اختيار لجنة تأسيسية من قبل البرلمان المنتخب لوضع الدستور .. فكيف تقول ان الشعب لم يكن ينفي ان الدستور أولا؟؟؟؟؟؟ وعجبي6 · · رد · الجمعت، الساعة 10:25 صباحاًأعرض 6 أخرى
Israa Omar · Faculty of engineeringمقال رائع يا اسماء.تسلم ايديكي بجد.9 · · رد · الجمعت، الساعة 09:30 صباحاً
Amr Magdy · الأكثر تعليقا · Cairo Universityبرافو اسماء محفوظ.احنا ما بقيناش فاضيين غير للخناق و التصيد و التلكيك.8 · · رد · الجمعت، الساعة 09:10 صباحاً
Mohamed Nabil Salem · يعمل في Lecturer of Internal Medicine – Beni sweif Universityيا ريت كل شباب الثورة,,و كل الشعب يفكر بنفس طريقتك يا أسماء,لأن المواطن المطحون ,المريض,الأمى,,اللى هو ضحية ستين سنة (من أيام ثورة 1952) من القمع و الفساد ,لن يتعلم الديمقراطية ,و أولاده لا يجدون ما يأكلون.7 · · رد · الجمعت، الساعة 10:32 صباحاً
Nehad Ali · Kuwait Cityالطريق ما زال طويلا من اجل الديمقراطية وفهمها فلا يجب ان نتوقع من شعب اكثر من 40% منه أمي أن يفهم الديمقراطية واللعبة السياسية في غمضة عين هذه وظيفة السياسيين والمثقفون بأن يفقهونا ويعلمونا ما معنى الديمقراطية وكيف اقبل النقد والرأي المعارض وان افهم ما يدور حولي والآ انساق وراء كلام مرسل وشعارات براقة.3 · · رد · الجمعت، الساعة 10:54 صباحاً
محمد محرم · الأكثر تعليقا · Ain Shams Universityانا مش عارف ازاي الناس بتمارس قلة أدب في حق 40% من الشعب المصري وبيقولوا انهم على حق .. يا نهاد الشعب ده انصح مني ومنك وكلام اسماء هو عين الصواب .. وعيب تشتمي الشعب ده .. الشعب ده قدم كتير ولسه يا اما هيقدم .. ويحيا الشعب وتسقط الألسنة التي تتطاول عليه3 · · رد · منذ 23 ساعة
محمد محرم · الأكثر تعليقا · Ain Shams Universityوالظريف ان الشعب يعمل الثورة وييجي اسم النبي حارسهم المثقفون ويقولوا ليه اقعد في بيتك .. خلاص دورك انتهى ههههههههههه .. المثقف الحقيقي كما يقول عميد الثقافة المصرية الدكتور عبدالوهاب المسيري عنه هو “الذي دوما في الشارع” .. الله يرحم لما كان المثقفين كله قافل على نفسه الباب وبيقول يا حيطة داريني أو مشغول في معارك النظام السابق السياسية الوهمية وقاعد يلعب في الرمل اللي حطه ليهم مبارك وعصابته.1 · · رد · منذ 23 ساعةأعرض 1 أخرى
Zoheir Abouguendia · University of SaskatchewanIn general I agree with you. I think it is a fair analysis. I always had the feeling that many people contributed significantly over the years to what we now call the January 25 revolution. They contributed in various ways and they were not looking for any acknowledgement or thanks. I should add many were actually working for the previous regime. I think it is dangerous to assume collectively that everyone who worked for that regime is corrupt. The important thing now is to focus on building our dear Misr and and remember that we have rights but actually more important in the first place is that we have very heavy responsibilities to carrybefore we gain the fruit of our development.7 · · رد · الجمعت، الساعة 11:36 صباحاً
Medhat Yusuf · الأكثر تعليقا · Universitas Kairoمقال جميل و ياريت النخبة تقرأه بس ياريت تكتبي بعد كده بالفصحي اثره اقوي في نفس القارئ . و بعدين لو سمحتي كفاية نقد للمجلس العسكري . المجلس العسكري شايل تركة تقيلة اوي و بيعمل اللي عليه و البلد مش هتتحسن بين يوم و ليلة يعني .الصبر مع العمل .6 · · رد · الجمعت، الساعة 09:27 صباحاً
محمد محرم · الأكثر تعليقا · Ain Shams Universityمحاكمة الفاسدين و ابقاء يحيي الجمل و الوزراء و المحافظين كل دول مش محتاجين وقت .. ومش هنهلل لحد .. نشوف خير هنرفع المجلس على راسنا .. لكن كل اللي شايفينه ما يطمنش .. والعبرة بالمواقف!1 · · رد · الجمعت، الساعة 10:22 صباحاً
Marwa Sallam · الأكثر تعليقا · Cairo, Egyptكلامك صح جدا يا أسماء ونفسي نخلص بقى من الصداع اللي احنا فيه ده. بس كل الفوضى دي متوقعة لان في نظام انهار وبنحاول نبني نظام جديد وان شاء الله هيكون نظام احسن واللي جاي هيكون خير باذن الله.5 · · رد · الجمعت، الساعة 10:06 صباحاً
Mansour Ghazaly · يعمل في King Fahad Medical Cityكلام صح4 · · رد · الجمعت، الساعة 10:16 صباحاً
Osama Salah · Business Development Director في Egyptian Technologies Incتصورك للامور بسيط وواضح…. ياريت النخب السياسية أو طبقة المثقفيين( كما يسمون أنفسهم) تنزل الشارع و تتخلى عن بعض أطماعهم السياسية….مع ذلك لابد من ألأعترف بدور الجيش فى حماية الثورة فى التحرير و بعد التحرير……حفظ اللة مصر.3 · · رد · الجمعت، الساعة 09:49 صباحاً
Macrobiotic House · الأكثر تعليقاالدستور أولا برده.. اخفو بقى3 · · رد · الجمعت، الساعة 09:03 صباحاً
محمد محرم · الأكثر تعليقا · Ain Shams Universityجميل ان نطالب بالديمقراطية .. بالعافية !!!!! يا ريت تقرأ المقال تاني!1 · · رد · الجمعت، الساعة 10:14 صباحاً
Ahmed Abd Elrasol Ahmed · هندسة 15 مايوهى دى الديموقراطية؟؟؟؟؟؟؟؟ · رد · الجمعت، الساعة 10:57 صباحاً
At Ay · Mkyou were one of beloved daughters of 25.01.11 and with this issue today you become one of the most beloved. Let us unite and defend our beloved Egypt let us do the right and stop ignoring the wrong I mean Let us = let every one change her (him)self.3 · · رد · الجمعت، الساعة 03:11 مساءً
Tarek M H Mekkawy · الأكثر تعليقامصطلح النخبة و الصفوة من المصطلحات الخاطئة و المستفزة التى كثرت هذة الايام و لست ادرى من صور لبعض الفنانين و الفنانات و الاعلاميين المتحولين حسب اتجاه السلطة و بعض شباب الفيس بوك الذين كانوا مثل عود الثقاب الذى كان سينطفئ سريعا لولا التفاف جمهور الشعب حول فكرتهم التى اعتبروها فرصة لتغيير اوضاع خاطئة يعانون منها طويلا انهم صفوة المجتمع و نخبة افرادة ليتحكمو فى مصير هذا الشعب و يملو عليه تصرفاته والواقع ان الشعب المصرى اذكى من كل هؤلاء و هو قد يستمع لهم و يتابع حلقاتهم و لكنه فى النهاية ياخذ قراره بارادتة و كما يرى مصلحتة و نتيجة الاستفتاء الاخيرة خير دليل على ذلك.3 · · رد · أمس في الساعة 04:32 صباحاً
Ahmed El Saghir · Cairo, Egyptاصلا الشعب المصري فاهم هوا بيعمل ايه اكتر من اي عيل عايش دور سعد زغلول او عبد الناصر فيا ياريت الي عامل فيها ابو العريف يكلم الشارع و يقنع الناس بدل من تضيع الوقت في اي كلام. و الدليل علي كدة لما الشعب حس ان التوريث قادم لا محالة و ان الاسوء قادم نزل و عمل ثورة في جمعة الغضب و الدرس الي محدش اتعلموا ان الشعب لن يلبي الا الدعوات الصادقة و لن ينساق وراء اي احد.3 · · رد · منذ 22 ساعة
Eman Gamalبجد مقال رائع ولخصتى خيبة الأمل الية احنا عايشنها بعد سرقة الثورة بيد المجلس العسكرى وكأنك يا ابو زيد ما غازيت! الغاز رجعوة لأسرائيل, وبلونا بحكومة هباب وغرقونا فى فتنة واصبحنا فى خانة يك ناقص يندمونا على ايام مبارك!3 · · رد · منذ 13 ساعة
Ahmed Kadryواللا بفكر أأسس حزب…واهي لانتخابات عالأبواب..
واعمل نفسي زعيم بالكذب….واهلفط بكلام كُتَّاب…….مشاهدة المزيد2 · · رد · الجمعت، الساعة 02:18 مساءً
Meta ElMasryموهوب · رد · منذ 6 ساعات
Alloush Abdel Azizأنتي لسة عايشة ، دورك انتهي شوفي حاجة تانية تعميلها.2 · · رد · الجمعت، الساعة 09:01 صباحاً
Hisham Niaz · الأكثر تعليقاطيب ماتتنيل انت تشوف لك حاجه تانيه تعملها بدل مانت مستخبي من غير وش ورا كمبيوتر وبتكتب كلام فارغ ، علي الاقل هي نزلت الشارع وعملت حاجه وغيرت اللي حواليها .. انت عملت ايه ؟27 · · رد · الجمعت، الساعة 09:16 صباحاً
Meta ElMasryحزب الكنبه4 · · رد · الجمعت، الساعة 09:39 صباحاً
Badawy Pepo · Helwan Universityشكلك من بتوع احنا اسفين يا صلاح يلا اجري روح مصطفي محمود الشلة مستنياك هناك انهاردة4 · · رد · الجمعت، الساعة 10:00 صباحاًأعرض 6 أخرى
Ahmed Zakaria · الأكثر تعليقا · Cairo Universityاى واحد بيعمل نفسه فاهم.. لازم يودى اللى حواليه فى داهيه.2 · · رد · الجمعت، الساعة 09:28 صباحاً
Sayed Afifi · الأكثر تعليقا · L of littresوالله يا اختاسماء عشتك ارتاحت وبقي ليكي لازمه.2 · · رد · الجمعت، الساعة 11:58 صباحاً
Mohammed Abd Alazim · الأكثر تعليقا · Tanta Universityارزاق يا ابو حبيبه2 · · رد · الجمعت، الساعة 12:59 مساءً
Hera Delusion · الأكثر تعليقا · Cairo, Egyptبصراحة البنت دى أرجل من رجالة كتير · رد · منذ 16 ساعة
Ahmed Arax · الأكثر تعليقاهايل يا أسماء أنا هاستعير من مقالك عشان أكتب التعليق لأن بعد مقالك مفيش كلام (فلما نقول ان الشعب جاهل ومش فاهم واحنا اللي فاهمين واحنا اللي هنحدد ونقرر ونؤره يعمل اللي احنا عايزينه يبقى ايه الفرق بينا وبين مبارك؟؟؟).2 · · رد · الجمعت، الساعة 05:18 مساءً
Diaa Tarek · Faculty of medicine mansoura universityرائع · رد · الجمعت، الساعة 05:42 مساءً
Sanaa Marzoukياااه يا أسماء .. فرحانة بيكي أوي .. رديت روحي بجد لأني عرفت إن فيه ولو واحدة .. واحدة بس من شباب الثورة بتقول كلامك ده2 · · رد · منذ 14 ساعة
Ahmed EL-kelani · The faculty of engineering electrical power and machines departmentمحدش قال على الشعب ان جاااااااااهل كل الحكايه ان فى نااااااس وصلت للناس العادين التعديلات الهفكره بتاعتها غلط دخلت دين بسياسه باستقرا ناس لعبة بمشاعر ناس مش بيتهم حد بجهل.1 · · رد · الجمعت، الساعة 09:58 صباحاً
محمد محرم · الأكثر تعليقا · Ain Shams Universityيعني شعب أهبل انضحك عليه .. وانتم الناس الناصحين .. لكن هذا الإستفتاء ونتيجته ليس أبدا إرادة هذا الشعب !! .. بالله عليك ده كلام؟؟ يعني مش شعب جاهل في عرفك .. لكنه شعب عبيط!!
عفوا .. الشعب أولا!4 · · رد · الجمعت، الساعة 10:17 صباحاً
Falcon Crest · Faculty of medicineللأسف الكثيرون فى مصر غير مهيئين وغير مؤهلين للتعاطي مع الحرية والديمقراطية بمعناها الحقيقي وللأسف الذين يقولون أنهم نخبة ومثقفين هم أكثر المتناقضين فى آراءهم ومصر يهذه الغوغائية بعيدة كل البعد عن الديمقراطية والحرية فى مصر الآن هي الفوضي والبلطجة.1 · · رد · الجمعت، الساعة 11:11 مساءً
Mohamed Sharakyتلف تلف وترجع تقول المجلس العسكرى! يا ريت تبطلى اسلوبيك الاهبل ده وتتكلمى كلام ناس بتفهم! كل العك واللت بتاعك ده العيال الصغيرة عرفاه! الموضوع اكبر من مستوى فكريك بكتير والله!1 · · رد · منذ 22 ساعة
همسات
الهي قلت لك : أني أتألم
فقلت لي : ” لاتقنطوا من رحمة الله “
قلت لك : لاأحد يعلم مايثقل قلبي
فقلت لي : ” إن الله يحول بين المرء وقلبه “
قلت لك : ليس عندي أحد
فقلت لي : ” نحن أقرب إليه من حبل الوريد “
قلت لك : لا تنساني
فقلت لي : ” فأذكروني أذكركم “
قلت لك : اعطني أملا يارب
فقلت لي : ” إن مع العسر يسرا “
قلت لك كيف لأحلامي أن تتحقق ؟
فقلت لي : ” ادعوني أستجب لكم “
كم أحبك ربي فأجعلني ممن تحب